एपिएफले उचाल्यो ट्रफी

नेपाल एपिएफ क्लबले पेप्सी स्ट्यान्डर्ड चार्टड एकदिवसीय राष्ट्रिय क्रिकेट प्रतियोगिता जितेको छ । त्रिवि क्रिकेट मैदान कीर्तिपुरमा आज भएको फाइनल खेलमा एपिएफले भैरहवा (क्षेत्र ४) लाई ६ विकेटले पराजित गर्दै उपाधि उचालेको हो ।

एपिएफले लगातार दोस्रो पटक उपाधि जितेको हो । गत वर्ष टोलीले पहिलो सहभागितामै फाइनलमा नेपाल पुलिस क्लबलाई पराजित गरेको थियो । पुलिस यस पटक सहभागि नै भएनन् । एपिएफको टोलीमा राष्ट्रिय टोलीबाट खेलिसकेका ११ खेलाडी समावेश थिए ।